النايلون مادة مهمة كتييير في حياتنا، بتدخل في صناعة امور متعددة وذات فايدة لجميع البشر. بس اللي لفت انتباهي في الموضوع هو سبب تسمية النايلون بها الاسم، تخيلوا يا أصدقائي بانو اجى من الصفة الجذابة للجوارب النسائية؟؟ لا والأمر من هيك انو في رواية بانو التسمية جاي من الحروف الأولى لنساء الفريق اللي اكتشف النايلون (نانسي, إيفون, لولا, أوليفيا ونينا).
والله كتر خيركو يا رجال، انتو بتتعبو وبتكتشفوا شغلات كتييييييييييير وعند التسمية، بيجي دور الحريم. بس انا بعرف انو هادا الشي دارج كمان عند تسمية الأولاد والبنات. انا ابوي سماني لما قرأ كتاب ( رجال حول الرسول)، بس امي مارست سلطتها بعد هيك، ممتاز اسم لأبوي وتسعة لامي.
السلطة النسائية موجودة ولازم نعترف فيها، امر واقع عند المتزوجين واللي بفكروا، والعزابية مريحين. لازم نوازي بين الأدوار والمسؤوليات بين آدم وحوا، لازم يكون فييي المخ والعضلات في المعادلة.
هلا لو ما تم اكتشاف النايلون شو راح يعني يسيير، كان الواحد بركب التاكسي بسرعة من غير ما يغطي وجهه أو يستنى كتيير، كان الواحد بنفع يتوظف سكرتارية مش بطالة من CHF او كيير، كان ممكن الشباب تتزوج بشوية دنانييييييير.
معلش يا رجال، كان لازم يكون في نايلون في حياتنا، والله يعلم ايش في مخبى لسى، يا خوفي ياللي ابتكر الارجيلة تتطلع واحدة كان اسمها جميلة.
مناسبة الحديث:
في الثامن والعشرين من فبراير 1935 ( والاس كاروثرز) اكتشف النايلون.
ليست هناك تعليقات:
إرسال تعليق